Pamje të frikshme janë regjistruar në Portin e Velencias në Spanjë, teksa një vinç 55 metra i lartë është rrëzuar, pasi u godit nga një anije.
Në momentin që ndodhi ngjarja, mbi vinç ndodhej edhe një punonjës 48-vjeçar, i identifikuar si Roberto Manez Blanco.
Pavarësisht panikut të krijuar, Blanco u tregua “gjakftohtë” në mendim dhe arriti të ndizte alarmin për të paralajmëruar kolegët e tij për incidentin e afërt.
Veprimi i tij bëri që të mos kishte të lënduar të tjerë nga kjo ngjarje. Si pasojë e incidentit, Blanco pësoi disa brinjë të thyera dhe hemorragji, por fatmirësisht ai ndodhet jashtë rrezikut për jetën.
