Një foshnje në maternitetin ‘Koço Gliozheni’ në kryeqytet, ka lindur i mbështjellë me qese amniotike, që në gjuhën popullore cilësohet si ‘i lindur me këmishë’.
Anika Dokle, doktoreshë gjinekologe në maternitetin e ri në Tiranë, ka ndarë një postim të veçantë, që nuk e hasim shpesh. Ajo ka shpërndarë një foto ku ndodhet së bashku me kolegët dhe me bebin e porsalindur. “Bebush me këmishë”, shkruan doktoresha.
Ajo që ne e quajmë ‘lindje me këmishë’, është një fenomen i jashtëzakonshëm që ndodh kur fëmija lind së bashku me qesen amniotike si një tullumbace e mbushur me ujë, që zakonisht shpërthen tek shtatzënat para lindjes. Kjo qese e mbron fëmijën nga lëngjet, si edhe nga presioni e kontraktimet e forta të mitrës.
Një lindje e tillë, sipas mjekëve, ndodh vetëm një në çdo 80.000 lindje.
