Gjendet një tjetër trup i pajetë në rrjedhën e lumit Shkumbin, në qarkun e Elbasanit. Viktima është identifikuar nga policia dhe personi i gjetur është 79-vjeçari me iniciale I.Xh.
Ai u zbulua nga disa peshkatarë në afërsi të fshatit Muriqan të Elbasanit, ndërsa policia njofton se i moshuari ishte larguar nga shtëpia që më 11 shkurt.
Nga kryerja e autopsisë mësohet se kufoma nuk ka shenja dhune në trup.
Njoftimi i policisë:
Elbasan /Informacion paraprak.
Në lumin Shkumbin pranë fshatit Muriqan, Elbasan është gjetur një shtetas i mbytur.
Nga veprimet e para rezultoi se trupi i përket shtetasit I.Xh 79 vjeç , larguar nga banesa në 11 shkurt 2019.
Nga këqyrja paraprake e kofomës nuk konstatohet shenja dhune. Grupi hetimor ndodhet në vendngjare dhe po punon për zbardhjen e plotë të ngjarjes.
