Deputeti demokrat Edi Paloka, ka reaguar pas deklaratave të Ramës që i quajti kolegët e tij mbeturina të Partisë së Punës. Paloka thotë se ndaj Ramës nuk duhet të bëhet opozitë me këshilla, por me ‘thyerje turinjsh’.
Statusi
Une habitem me habine e atyre qe paskan pritur qe Rama te kishte ndryshuar…!
Per kete arsye e thashe qe diten e pare ne ate salle: “Fjalet me keta nuk kane me asnje vlere” . Ata thjesht duhen permbysur. Ky dhe vetem ky duhet te jete objektivi i opozites.
Ky regjim permbyset nuk permiresohet me keshilla opozitare. Rames i duhen thyer turinjte, jo ti bejme makiazh!
Kryeministri Rama foli sot dhe për krizën energjitike që mund të përfshijë Shqipërinë, duke thënë se dhe në samitin e Sllovenisë për këtë gjë u fol një ditë më parë. Më tej duke komentuar dhe planin e opozitës, deklaroi se konceptet e Partisë Demokratike sot janë mbetje të Partisë së Punës. Rama pohoi se sot jemi në një treg të lirë, dhe çmimet vendosen nga tregu dhe jo nga shteti.
“Rritja e çmimit në bursë të një malli, qoftë naftë, qoftë energji apo çfarëdo tjetër, nuk pyet as se Spanja ka më shumë as se Shqipëria ka më pak. Ju partia e qendrës së djathtë, ju partia e liberalizimit të tregut, kur iu dëgjon të flisni dhe mos t’iu njohësh dhe mos ta dish nga ju duket sikur jeni mbeturina të Partisë së Punës. Konceptet tuaja janë mbetura të Partisë së Punës. Nuk është argument, as e shara dhe as e bërtitura nga vendi, unë nuk ofendoj askënd. Unë me respekt dëgjoj të shara nga para e mbrapa. Ju jeni në një hall që nuk ua zgjidh dot”, tha ndër të tjera Rama.
