Pas debateve të nxehta të ditëve të fundit, pritet që sot të bëhet votimi në Kuvend për paketën ‘Anti-shpifja’ të propozuar nga qeveria.
Kreu i Unionit të Gazetarëve Shqiptarë, Aleksandër Çipa, ka treguar se cili do të jetë hapi i radhës nëse projekt-ligji miratohet nga Parlamenti.
Ai tha se fillimisht do ti drejtohen Kreut të Shtetit, Ilir Meta, për të mos dekretuar ligjin në fjalë.
“Ne do t’i konsumojmë të gjitha mundësitë tona. Fillimisht do t’i drejtohemi Presidentit për mos ta dekretuar ligjin. Kemi patur solidaritet me organizatat ndërkombëtare. Dje ka pasur reagim nga Këshilli i Europës, nga eurodeputetë. Na janë bashkuar unione të organizatave më të rëndësishme, një rrjet në Helsink ka kërkuar anulimin e këtij drafti dhe zhbërjen e deformimeve që vihen re në të”, tha Çipa për mediat.
