Vetëm pak kohë më parë Dua Lipa i dha fund lidhjes disavjeçare me kuzhinierin e famshëm Isaac Carew. Çifti arriti të kapërcente një krizë dhe vetëm një vit më parë u ribashkuan, por romanca që dukej se po shkonte mirë u zhduk menjëherë. Ende nuk kanë dalë detaje se pse lidhja mes tyre përfundoi, por Dua duket se nuk ka humbur kohë dhe ka nisur një romancë të re.
Përflitet se Dua është duke përjetuar një romancë me vëllain e Gigi dhe Bella Hadid, Anwar. Ai nuk është një emër i panjohur, pasi është përfolur shpesh në media jo vetëm si vëllai i modeleve të famshme, por edhe për marrëdhënien e tij me Kendall Jenner.
Ai është 4 vjet më i vogël se 23-vjeçarja shqiptare. Dua është njohur me të gjatë kohës që ishte në lidhje me Isaac. Ndërsa tani takimet e tyre janë edhe më të shpeshta.
