Vetëm pak ditë më parë u nda nga jeta futbollisti me origjinë shqiptare Labinot Harbuzin, i cili konsiderohej legjendë për klubin suedez të Malmo. Mbrojtësi është nderuar ditën e sotme gjatë takimit mes Malmos dhe Hamarbi.
Ka qenë minuta e 23’, kur takimi është ndërpre për një minutë dhe të gjithë duartrokitën, madje disa lojtarë nuk kanë përmbajtur lotët. Ishte ky momenti që ka tërhequr më shumë vëmendje dhe tifozët e pranishëm në stadium janë ngritur në këmbë për të kujtuar Labinot Harbuzin.
Kujtojmë që mbrojtësi ka luajtur 50 ndeshje për Malmon dhe ka shënuar katër gola, ku goli më i rëndësishëm ka qenë në stadiumin e ri të Malmos, “Swedbank Stadium” dhe mban firmën e tij, një gol historik. Futbollisti me origjinë shqiptare konsiderohej si një legjendë e klubit ku luajti për plot katër sezone, por ai nuk u lejua nga FIFA asokohe që të bëheshe pjesë e Kombëtares kuqezi.
