Kryetari i Partisë Demokratike, Lulzim Basha zhvilloi një bashkëbisedim me gratë në njësinë Dajt në Tiranë.
Gjatë fjalës së tij, Basha u ndal te rritja e pagës minimale në 300 euro, për të cilën tha se kryeministri Edi Rama e ka parë nga programi i tij, dhe po e përdor në fushatë.
Basha tha se Rama është një kopjac i keq, dhe se PD-ja ka një plan që do sjelli rritjen ekonomimke dhe rritjen e pagës minimale.
Lulzim Basha: “Në planin tonë ekonomik, pagën minimale kemi 300 euro, pra 360 mijë lekë të vjetra. Por nuk mund të realizohet siç e bën ky. Ky e ka parë programin tonë dhe pas 8 vitesh që nuk ka rritur as pagat e as pensionet, si kopjac i keq thotë do të rris pagat. Por, rritja e pagave nuk bëhet vetëm me një firmë të kryeministrit por kërkon një sërë masash. Mënyra si i përqasemi ne kësaj tregon ndryshimin më të madh që kemi. Ne vijmë me një plan që sjell rritjen ekonomike që sjell dhe rritjen e pagës.”
