Ish-kryeministri, Sali Berisha ka reaguar pas vendimit të kryeministrit Rama për të paditur homologun e tij në Kosovë, Ramush Haradinaj.
Përmes një postimi në Facebook, Berisha shpërthen në akuza ndaj kreut të qeverisë duke thënë që ai po shkatërron çdo arritje që kombi ka bërë.
Sipas Berishës, vendimi i Ramës për të paditur Haradinajn ka qenë një urdhër i marrë nga presidenti i Serbisë, Aleksandar Vuçiç. Ai shton se ky është akti më i fundit në serinë akteve të tradhtisë kombëtare që është marrë ndaj Kosovës, që pas traktatit të Novi Sadit.
Postimi i plotë:
Pas Vuçiçit, Edvin Kristaq Tradhtari padit me urdhër të padronit të tij kryeministrin e Kosovës, Ramush Haradinaj!
Miq, bir xhelati, tradhtar i urryer për mbarë kombin për të gjithë ata që i thonë vetes shqiptar, armik i egër dhe urrejtës i papërmbajtur i qenies kombëtare shqiptare, monstra që është vërsulur si lopë e çmendur t’i shkatërrojë kombit çdo arritje të tij, Kosovën e lirë dhe të pavarur, projektin e integrimit europian, t’iu vrasë shqiptarëve shpresën dhe të spastroje etnikisht Shqipërinë, dorëzoi sot në Prishtinë padinë kundër kryeministrit të Kosovës, Ramush Hardinaj.
Edvin Kristaq Tradhtari mori këtë hap që turpëron vetë turpin njerëzor me urdhër të padronit të tij Vuçiç pasi ky i fundit, në një akt kriminal paditi në Hagë kryeministrin e Kosovës, Ramush Haradinaj. Kjo padi e urdhëruar nga Beogradi është akti më i fundit në serine e akteve të tradhtisë kombëtare që ka ndërmarrë Edvin Kristaq Tradhtari ndaj Kosovës së pavarur, integritetit territorial, sovranitet të saj si dhe pasi i futi thikën pas shpine Kosovës me traktatin e Novi Sadit dhe sulmeve që ndërmori nga Tirana, me gjuhe rrugaçi kundër z.Haradinaj, të pashembullta që nga koha e Luftës së Ftohtë dhe të diktuara direkt nga padroni i tij, serbomadhi Vuçiç!
Po sot, që shqiptarët kudo që janë, përveç Esad Toptanit të ri që heshti si fija e barit, u përulën me nderimin më të thellë para viktimave të genocidit serb në Reçak, Vuçiç, për të zhurmuar mesazhin për drejtësi të viktimave të barbarisë serbe në Reçak, urdhëroi Edvin Kristaq tradhtarin që me urgjencë të dorëzonte dhe njoftonte padinë e turpit dhe tradhtisë kombëtare në Prishtinë kundër kryeministrit të Kosovës!
Miq, çdo orë që kalon duke mbajtur këtë tradhtar në krye të narkoqeverisë është një poshtërim i madh për çdo shqiptar që e ndjen veten të tillë, për Shqipërinë dhe Kosovën. sb
