Pas dëshmisë së dhënë në Prokurorinë e Tiranës, kreu i KED, Ardian Dvorani tha se qëndrimet e Metës nuk kanë rëndësi për ndryshimet kushtetuese. I pyetur nëse ka menduar që të japë dorëheqjen, ai konfirmoi se ligji zbatohet për të gjithë në mënyrë të barabartë.
“Përpara prokurorëve kam dëshmuar faktet dhe rrethanat, ashtu siç ka ndodhur dhe kam paraqitur shpjegimet e mia. Shpjegimi është i gjatë, në shpjegimet e fundit në media unë kam dhënë mendimin e tij.
As qëndrimet e Metës nuk kanë rëndësi për ndryshimet kushtetuese. Unë mund të flas me detaje, hetimi zhvillohet në këtë godinë dhe jo në media dhe televizione.
Institucionet nuk është mirë që t’i shtrojnë çështjet ligjore me filma artistikë, me metrazh të shkurtër, ka institucione. Prokurorët janë duke kryer verifikime. Kam dhënë shpjegime sot, nuk ka nevojë për të paraqitur prova deri në këtë moment, prokurorët po bëjnë punën. Ata do marrin provat e nevojshme. Unë jam këtu para jush, të deklaroj mediatikisht këshilla, deklarime, sesi duhet të sillen prokurorët me mua, kjo është e padrejtë. Ata duhet të kryejnë të gjitha hetimet e nevojshme.
A e keni menduar të jepni dorëheqjen?
Kjo është një pyetje të më thoni a kanë besim unë tek organet e drejtësisë. Ligji zbatohet për të gjithë në mënyrë të barabartë. Unë nuk kam menduar asnjëherë që unë kam privilegje.
A ju ka vendosur në pozitë të vështirë?
Mua nuk më kanë vendosur në asnjë pozitë të vështirë.
Një ditë më parë, në Prokurorinë e Tiranës u paraqit edhe kreu i Shtetit, Ilir Meta, i cili për një orë dëshmoi mbi padinë e depozituar ndaj Dvoranit.
Meta tha se rasti është tmerrësisht flagrant, dhe Prokuroria nuk duhet të ndikohet nga presionet politike.
