Aktualitet

“Ose të zgjidhim çështjen e Gjykatës ose çështjen politike/ Të dyja nuk shkojnë”


               Publikuar në : 20:29 - 20/11/19 M D

Akademiku Artan Fuga mbrëmjen e sotme ishte i ftuar në rubrikën “Opinion” në “News 24”, prej ku theksoi se “ose duhet zgjidhur çështja e Gjykatës, ose duhet zgjidhur çështja politike”, pasi sipas tij të dyja bashkë nuk shkojnë.

“Për mua po, të dyja palët duhet të ulen. Unë e pëlqej faktin që z. President bën takime, meqenëse më thatë ju. Tregon se kërkon hapje. Unë si qytetar do të doja që hapjen ta bëjë më të madhe, të kërkojë takim me ata që bëjnë vendim-marrje politike.

Ne jemi qytetarë, ne nuk na duhen sherret politike, ne duam të zgjidhim problemet. Bosi politik, sipas konceptit të Maks Veberit, kur e çon pikën e konfliktit deri atje sa sistemi mund të dalë komplet jashtë shinave.

Unë mendoj se e vetmja rrugë është një dialog, një zgjidhje në mënyrën e konsensusit. Ne në shoqërinë shqiptare nuk e kemi akoma konceptin e konsensusit. Po të duan ka referenca evropiane, amerikane, perëndimore sesi arrihet një konsensus, jo një kompromis i ndyrë në thonjëza.

Ky konsensus për mua konsiston që njëra nga të dyja çështjet duhet të lihet për më vonë. O zgjidhja e konfliktit politik shkarkim i presidentit – shpërndarje e parlamentit dhe të zgjidhet ky problem afatgjatë, strukturor që është gjyqësori, por duke e fshirë këtë gjë ose do kemi Gjykatë Kushtetuese që njërën palë do ta eliminojë.

Politikani ka forcën, për ndryshe shkojmë ne atje. Politikani duhet të dijë të ngrihet se ka përgjegjësinë e kombit, ka përgjegjësinë e qytetarit.

Ose duhet zgjidhur çështja e Gjykatës, ose të zgjidhim çështjen politike dhe të lëmë çështjen e Gjykatës Kushtetuese, e lëmë për më vonë. Të dyja bashkë nuk shkojnë”, deklaroi Fuga.

Gjithashtu mund të lexoni:

Negociatat/ Ironizon Artan Fuga: Fajin e ka Macron dhe Merkel! Ai që vodhi lopën nuk ka faj fare

Fuga: Çfarë do të thotë ‘Po, me kushte për hapjen e negociatave’?

Kthehu
WhatsApp Denonco ne TT