Politikë

Fuga: Çfarë do të thotë ‘Po, me kushte për hapjen e negociatave’?


               Publikuar në : 11:50 - 27/09/19 Enno

Akademiku Artan Fuga, i bën thirrje gazetarëve të sqarojnë se çfarë do të thotë “Po, me kushte për hapjen e negociatave”, referuar kushteve të vendosura nga Gjermania për hapjen e negociatave.

Përmes një postimi në Facebook, Fuga shprehet se qytetarët janë akoma të paqartë sa i përket kësaj teme, teksa kritikon ministrinë e Jashtme, e cila sipas tij duhet të kishte bërë një deklaratë zyrtare në lidhje me këtë gjë.

Sipas Fugës, kjo frazë mund të ketë vetëm 2 kuptime:

“Ose Gjermania pret të realizohen 9 kushtet dhe pastaj të japi statusin nga ana e saj për Shqipërinë për të qenë vend në negociim.

Në këtë rast qeveria ka arritur të bëjë një hap sëpaku!

Ose Gjermania pret të realizohen 9 kushtet dhe pastaj të japi statusin nga ana e saj për Shqipërinë për të qenë vend në negociim.

Në këtë rast qeveria ka dështuar totalisht edhe këtu”.

Postimi i plotë:

Një lutje gazetarëve të rinj për këtë historinë me 9 kushte !

Se mesa duket ne nuk kemi ministri të jashtme të bëjë deklaratë zyrtare dhe të japi konferencë shtypi për gazetarët!
!
Ministria lexon libra akoma! Të shpresojmë se e ka mbaruar të paktën abetaren e diplomacisë!

Qytetarët janë turbull dhe në kaos informativ, raportimet në media të paqarta, deputetë dhe politikanë që e transformojnë lajmin politikisht,

ju keni për detyrë të raportoni qartë dhe mos u bëni oportunistë.

Na sqaroni çfarë do të thotë “Po, me kushte për hapjen e negociatave” nga Gjermania! ”

Sepse kuptimi i saj është sëpaku i dyfishtë:

Ndajeni!

Mos falni!

Ose Gjermania e dha statusin nga ana e saj për Shqipërinë si vend në negociim, por në negociata do të shihen edhe sa realizohen 9 kushtet.

Në këtë rast qeveria ka arritur të bëjë një hap sëpaku!

Ose Gjermania pret të realizohen 9 kushtet dhe pastaj të japi statusin nga ana e saj për Shqipërinë për të qenë vend në negociim.

Në këtë rast qeveria ka dështuar totalisht edhe këtu.

Kërto janë dy versione krejt të kundërta. Ndajeni! Cili është prej tyre!

Sqaroni këtë me pyetje, te burimi i duhur, mos pyesni ata që nuk kanë status ta sqarojnë, sepse është turp që informacioni t’i ngjajë një çorbe derri që as gomerët nuk e hanë!

Edhe për një çështje kaq të rëndësishme mediat shqiptare që kanë marrë milona euro nga qeveria, pra nga xhepat tanë, nuk dërgojnë reporterë deri në Berlin, dy orë larg!

Cfarë krize industria e informacionit!

Pasi të sqarohet kjo gjë, atëhere le të interpretojnë Qenan K. sipas qejfit.

Por, ju vendosni piketën!


Kthehu
WhatsApp Denonco ne TT