Avokati Spartak Ngjela dhe inxhinieri Arben Meçe kanë debatuar ashpër lidhur me hetimet për ndërtimet që u shkatërruan nga tërmeti. Ngjela deklaroi se shteti duhet të mbajë përgjegjësi për këto objekte të dëmtuara. Por i menjëhershëm ka qenë komenti i ardhur nga inxhinieri Arben Meçe. Ai replikoi duke i thënë se qeveria nuk e bën dot diçka të tillë për pronën private. Po kështu, ai shtoi se shteti i ka bërë detyrat e veta.
Debati
Arben Meçe: Në pronën provate nuk ndërhyn shteti.
Spartak Ngjela: Po kush tha që duhet të ndërhyjë shteti. Po më lër të flas. Ik atje mbro shtetin. Ti këtu ke ardhur një zë. Më lër mua të mbaroj. Do më dëgjosh tani mua? Më lër tani të mbaroj fjalën.
Arben Meçe: Më jep argumentin.
Spartak Ngjela: Tani po i kërkoj shtetit të mbajë përgjegjësi.
Arben Meçe: Ja e mori përgjegjësinë.
Spartak Ngjela: Po më lër ore të mbaroj, se po më çorienton…
Arben Meçe: Shteti i ka bërë detyrat e veta. Shqipëria ka 3 tipologji ndërtimesh. Një tipologji të para ’85 që nuk ka projektues, nuk ka autorë. Zotëria del dhe thotë se këtë e kam bërë unë, shteti këtë duhet ta arrestojë.
Spartak Ngjela: Nuk e arreston dot, se nuk ka parashkrimin. Ku e di ti ç’është parashkrimi…
Arben Meçe: Kujdes se po flet me një jurist. Do të të them ç’është parashkrimi? Të gjitha veprat penale që janë kryer në Shqipëri para 2009, përfundimisht nuk ka vepër penale se është parashikuar thotë avokati. Jo, jo o avokat, do vejë në burg.
Spartak Ngjela: Cili është krimi që do shkojë në burg? Ku e di ti ore ç’është parashkrimi.
Arben Meçe: Të gjitha ndërtimet e këqija, nëse objektet e tyre kanë pësuar dëm, Prokuroria do t’i kalojë në hell të gjithë. Prandaj mos më thoni të zhduken provat. Nuk zhduken provat. Mos më thuaj mua nuk njeh ligjin.
Spartak Ngjela: Ore zotëri, o je i dehur, ose ke devacion psiqik. Tani rri atje. Unë nuk i ndërhyj njeriu kur flet.
