Pas kryeministrit Rama, ka ardhur reagimi i radhës nga Ministrja e Shëndetësisë, Ogerta Manastirliu, lidhur me fashat e reja të orarit. Me anë të një postimi në rrjetin social Facebook, ajo ka bërë publike rregullat që duhet të respektojnë qytetarët këtë fundjavë, si pasojë e situatës nga COVID-19. Ministrja e Shëndetësisë thekson ndër të tjera se në varësi të sjelljes sonë, varet më tej ecuria e luftës ndaj koronavirusit vdekjeprurës.
Kujtojmë këtu se 7 raste të reja me koronavirus janë regjistruar në 24 orët e fundit, duke e çuar totalin në 773 të infektuar që prej nisjes së pandemisë në vendin tonë. Numri i të infektuarve aktiv vijon të jetë më i ulët se i atyre që tashmë janë shëruar nga koronavirusi, ndërsa numri i të shtruarve vijon të jetë i ulët.
Njoftimi
🟢 TË SHTUNËN 2 MAJ DHE TË DIELËN 3 MAJ, PENSIONISTËT DO TË LEJOHEN TË DALIN LIRISHT DERI NË ORËN 10.00😊
TË GJITHË TË TJERËT NË SHTËPI BRENDA KËSAJ FASHE ORARE🚫
🟢 TË SHTUNËN 2 MAJ DHE TË DIELËN 3 MAJ, PRINDËRIT ME FËMIJËT DERI NË 14 VJEÇ DO TË LEJOHEN TË DALIN LIRISHT NGA ORA 11.00 DERI NË ORËN 17.30😊
🟢 TË SHTUNËN 2 MAJ DO TË QËNDROJNË HAPUR VETËM USHQIMORET DHE FARMACITË DERI NË ORËN 17.30😊
TË DIELËN TË GJITHA MBYLLUR🚫
🔴 GJATË TË SHTUNËS 2 MAJ DHE TË DIELËS 3 MAJ DO TË NDALOHET KATEGORIKISHT QARKULLIMI I AUTOMJETEVE PRIVATE⛔️
🔴 KUJDES! NGA SJELLJA E DUHUR NË DISTANCIMIN SOCIAL DHE ZBATIMI I RREGULLIT BAZË TË MOSGRUMBULLIMIT JASHTË QELIZËS FAMILJARE GJATË FASHËS ORARE TË LËVIZJES KËTË FUNDJAVË, VARET ECURIA E MËTEJSHME POZITIVE E KËSAJ LUFTE DERI KËTU TË ZHVILLUAR SHKËLQYESHËM, PO EDHE VENDIMMARRJA JONË PËR MË TEJ🙏
