Pandemia e koronavirusit është sfida më e madhe me të cilën është përballur njerëzimi në vitet e fundit.
Numri i të infektuarve vijon të rritet me ritme të shpejta anembanë botës, teksa ende nuk është zbuluar asnjë vaksinë për kurimin e saj.
Deri më tani, 3.244.586 njerëz rezultojnë të jenë prekur nga virusi vdekjeprurës. Mbi një milion raste regjistrohen vetëm në Shtetet e Bashkuara të Amerikës, duke u renditur si vendi më i prekur në botë.
Një lajm i mirë është se mbi 1 milionë prej rasteve të përgjithshme rezultojnë se e kanë mposhtur COVID-19. Ndërsa rreth 230 mijë persona kanë humbur jetën prej këtij virusi.
Sipas Worldometer, numri i rasteve aktive në të gjithë botën është 1,998,985. Ndërsa rreth 55 mijë persona nga e gjithë bota raportohen të jenë në gjendje të rëndë shëndetësore.
Vendet më të prekura nga koronavirusi janë: SHBA, Italia, Spanja, Franca, Mbretëria e Bashkuar, Gjermania, Turqia, Rusia, Kina, Irani etj.
