Opozita jashtëparlamentare nuk mori pjesë në mbledhjen e sotme të Këshillit Politik, ku i pranishëm ishte edhe kryeministri Edi Rama.
Pas mbledhjes, kreu i qeverisë reagoi lidhur me këtë çështje, teksa theksoi se është absurd bojkotimi i diskutimit.
“Ne erdhëm sot për të shprehur jo vetëm vullnetin, por edhe gatishmërinë për të diskutuar mbi çdo gjë që është e paqartë.
Pas 30 korrikut jeta vazhdon.
Më duket absurde që të bojkotohet diskutimi.
Përsëris se nuk jemi në kushtet e një vendi pa institucione apo Parlament.
Kjo tryezë është ndërtuar si shprehje e vullnetit të mirë dhe si vetëdije së pavarësisht faktit se PD dhe aleatët e saj u arratisën në drejtim të paditur duke braktisur detyrën, ata janë pjesë e realitetit politik”, pohoi Rama.
