Ambasadorja amerikane në Shqipëri, Yuri Kim ka reaguar pas goditjes ndaj organizatës kriminale që merrej me kultivimin dhe trafikimin e lëndëve narkotike, ku ishin të përfshirë edhe prokurorë, zyrtarë të lartë policie apo administratorë publikë, në operacionin e koduar ”Shpirti”.
Kim u shpreh se reforma në drejtësi po prodhon gjithnjë e më shumë rezultate që tregojnë se pandëshkueshmëria po mbaron.
Ajo deklaroi se SHBA do të vijojë të mbështesë SPAK-un, teksa shtoi se reforma në drejtësi nuk ka qena e lehtë, por po jep rezultate.
Yuri Kim: ”Disa pretendojnë ose shpresojnë se reforma në drejtësi nuk ka prodhuar “asgjë”. E vërteta është se po prodhon gjithnjë e më shumë rezultate që tregojnë se pandëshkueshmëria po mbaron. Shikoni aksionin e madh të sotëm, i cili është vetëm goditja e fundit kundër zyrtarëve të korruptuar dhe krimit të organizuar.
SHBA do të vazhdojë të mbështesë SPAK ndërsa hetojnë dhe ndjekin penalisht ata që abuzojnë me detyrën e tyre ose pasurohen gabimisht – ndërsa varfërojnë Shqipërinë përmes veprimtarisë kriminale. Reforma në drejtësi nuk ka qenë e lehtë, e shpejtë ose e përsosur, por po ecën përpara dhe po jep rezultate.”
1/2 Some claim/hope that justice reform has produced “nothing.” The truth is that it is producing more & more results that show impunity is ending. Look at today’s major action, which is just the latest blow against corrupt officials & organized crime. https://t.co/znSqXC2VOP
— Ambassador Yuri Kim (@USAmbAlbania) July 2, 2021
