Kryeministri Edi Rama po mban një fjalim ditën e sotme në Këshillin e Sigurimit të OKB.
Gjatë fjalës së tij, kreu i qeverisë deklaroi se gjatë kryesimit të OSBE, Shqipëria do të fokusohet në sigurinë kombëtare, respektimin e të drejtave të njeriut dhe forcimin e shtetit të së drejtës.
Rama komentoi edhe vizitën në Ukrainë, teksa theksoi se në rolin e kryetarit të OSBE do të monitorojë zbatimin e marrëveshjes së paqe në atë vend.
“OSBE është një shtyllë e rëndësishme e rendit ndërkombëtar dhe në axhendën tonë është zhvillimi i qëndrueshëm. Jam i vendosur si kryetar i OSBE për të rritur bashkëpunimin dhe të përballimin e sfidave. Pikat kyçe janë siguria kombëtare dhe të promovojmë të drejtat e njeriut dhe shtetin e së drejtësi. Në krye të OSBE objektivi kryesor do të jetë mbrojtja dhe të bëjmë diferencën në terren. OSBE ka provuar se mund të dislogohet në vende të ndryshme pas konfliktit, prandaj përpjekjet për zgjidhjen e krizave mbetet parësore për ne si kriza në Ukrainë. Gjatë vizitës në Ukrainë theksova përkushtimin tonë për të çuar përpara marrëveshjen e paqes dhe arritjen armëpushimit atje. Pavarësisht marrëveshjes së paqes ende ka viktima atje. Në Ukrainë kërkojnë një monitorim të OSBE atje për zbatimin e plotë të paqes”, tha ai.
