I njohur zyrtarisht si vendbanimi më i ftohtë në botë, Ojmjakon është shtëpia e fëmijëve më rezistentë në botë. A mund ta imagjinoni ta dërgoni fëmijët tuaj në shkollën fillore në -50 ° Celsius?
Kjo në Ojmjakon është diçka e zakonshme. Shkolla e vetme në zonë, mbyllet vetëm kur temperaturat bien nën -52° Celsius.
Fëmijët më të mëdhenj se 11 vjeç, duhet të rezistojnë edhe më shumë. Ata qëndrojnë në shtëpi, vetëm kur temperatura bie nën -56 ° Celsius.
Temperaturat gjatë ditës rreth kësaj kohe të vitit janë rreth -50° Celcius. Në dhjetor, dielli lind rreth orës 10 të mëngjesit. Ndaj në orën 9 kur nis mësimi, jashtë është ende errësirë, dhe temperatura është shumë e ulët.
Fëmijët qëndrojnë në shkollë deri në orën 5 pasdite, rreth 3 orë pasi perëndon dielli. Ndaj, ata duhet të përballen me temperatura të acarta edhe gjatë kthimit në shtëpi.
Ojmjakon ka vendosur edhe rekordin sa i përket temperaturës më të ulët në një vendbanim të përhershëm njerëzor:-71.2 ° Celcius në janar 1924.
