Operacioni Forca e Ligjit (OFL), ka futur në ‘sitë’ tre persona të tjerë të dyshuar, të cilëve do u duhet që të justifikojnë origjinën e pasurisë së tyre. OFL njofton se sapo i ka nisur kërkesat me shkrim për vetdeklarimin e burimeve të pasurisë, tre personave të dënuar, të akuzuar për krim të organizuar apo krime të rënda.
Brenda 48 orëve, tre subjekte që rezultojnë persona me precedentë penalë, duhet të plotësojnë formularin e deklarimit të pasurisë.
– Dashamir. Gj., me banim në Durrës, pasi rezulton i dënuar në Itali për veprën penale “Trafik i qenieve njerëzore”.
– Emiljano H., me banim në Durrës, pasi rezulton i dënuar në Gjermani për trafikim narkotikësh dhe pastrim parash.
– Edlir H., banues në Durrës, me lidhje familjare me Emiljano H., pasi dyshohet se gëzon pasuri të prejardhura nga krimi.
Rama ka shpërndarë deklaratën për shtyp nga struktura e OFL dhe shkruan: “Vijon Operacioni AntiKÇK”.
