Organizata Botërore e Shëndetësisë konfirmoi para pak ditësh se koronavirusi përhapet përmes ajrit.
Ndërkohë, pas kësaj, një grup shkencëtarësh nga Universiteti i Hjustonit në SHBA kanë dizenjuar një filtër ajri që është i aftë të “vrasë në moment” virusin.
Studimi, i publikuar në revistën “Materials Today Physics”, parashtron se filtri arrin të eliminojë 99,8% të patogjenit që shkakton COVID-19.
Sakaq, kërkuesit shkencorë amerikanë theksojnë se prodhimi komercial mund të nisë menjëherë.
Ata shprehen se koronavirusi nuk mund të mbijetojë në temperatura mbi 70 gradë.
Kësisoj, filtrin e kanë prodhuar duke e nxehur në 200 gradë Celcius, duke e bërë të pamundur për koronavirusin që të kalojë përmes tij.
Thuhet se në kushte normale, virusi mund të qëndrojë në ajër për 3 orë dhe prandaj ky filtër është i dobishëm për aeroportet, avionët, zyrat dhe shkollat.
