Kryeministri Edi Rama ka qenë i pranishëm ditën e sotme ne Panairin e Punës në Tiranë, ku dhe ka vizituar çdo stendë për vendet e punës që ofrohen dhe nëse ka patur kërkesa.
Ne deklaratën e tij Rama e vuri theksin tek vendet e lira dhe mos interesimi i qytetarët për të gjetur një vend pune.
Në fund të vizitës, Rama theksoi edhe njëherë atë që e ka thënë në cdo rast kur vjen fjala për punësimin.
“Puna nuk vjen në shtëpi, nuk është vetëm punë shteti dhe për ne është e domosdoshme të ndajmë këtë vijë, të funksionojmë si forcë lëvizëse që shtyn drejt punësimit në sektorin privat. Pagat duhet të rriten, por duhet të rritet ekonomia dhe që kjo të rritet duhet të punojmë shumë fort të gjithë. Në këtë panair ka paga të ulëta, mesatare por edhe të larta. Punë ka, por nuk është as në kafe me lekët e mamit dhe babit ose në ‘Facebook’ duke i thënë kryeministrit ‘o legen na gjej punë”.
