Pas reagimit të ashpër që Elisa Spiropali i bëri vendimit të presidentit, për të rrëzuar dy nene e ligjit për PPP-të, ka ardhur edhe reagimi i këshilltarit të Metës.
Përmes një postimi në Facebook, Blushi i drejtohet Spiropalit si “e çmendura E” teksa shprehet se ajo foli gjatë por asnjë rresht për thelbin e problemit.
Sipas tij, nenet e rrëzuara, 17 dhe 18 janë të dyshimta dhe klienteliste ndërsa akuzon Spiropalin për korrupsion kur ishte në krye të Drejtorisë së Tatimeve.
Postimi i plotë:
Asnjë habi që në kulmin e vapës, Rilindja ndërsen gjithmonë të çmendurën E.
E çmendura E., foli sot për shumë gjëra, por në asnjë rresht për thelbin e problemit: nenet e dyshimta klienteliste 17 dhe 18 të ligjit famoz të PPP-ve, që në muajt e verës u krijojnë hapësirë pakicës që nuk do rotacion, të sulet drejt pronave publike për të zhvatur ç’të mundë deri në vjeshtë.
Dhimbje për të çmendurën E., cila pasi nxorri me këpucë të kuqe doganat, nuk i bën përshtypje t’i nxjerrë dritat e kuqe të gjithë ekonomisë kombëtare, pavarësisht paralajmërimeve të institucioneve ndërkombëtare.
