Pas situatës së pazakontë që ndodhi në muajin prill me kontrollorët e Rinasit, Gjykata e Apelit të Tiranës ka marrë vendimin për ta. Armando Fevzga, Muhin Mezini dhe Flora Ndreca akuzoheshin si organizatorë të protestës që solli edhe bllokimin e fluturimeve në aeroportin e Rinasit për 24 orë.
Munih Mezini dhe Armando Fevzga janë lënë të lirë nga Gjykata e Tiranës. Ndaj dy kontrollorëve të Rinasit ishte lënë masa e sigurisë “arrest me burg”, por tashmë ndaj tyre është caktuar masa “detyrim paraqitje”.
60 kontrollorë bojkotuan punën
Mëngjesin e 7 prillit, rreth 60 kontrollorë bojkotuan punën, duke shpallur paaftësinë për të punuar për shkak të stresit, që sipas tyre ishte shkaktuar si pasojë e rënies së financave në familje. Ndërkohë që ligji e ndalon që ky sektor të bëjë protestë. Armando Fevzga, Muhin Mezini dhe Flora Ndreca kanë ndikuar mbi kontrollorët e tjerë për plotësimin e formularëve të paaftësisë në punë.
