Pak më herët, drejtori i përgjithshëm i Kadastrës, Artan Lame reagoi pas akuzave të deputetit të zgjedhur të Partisë Socialiste, Petro Koçi, se duart e krimit po ndërhyjnë në financat publike. Një kundërpërgjigje ka ardhur nga deputeti i zgjedhur i Partisë Socialiste, Petro Koçi, i cili pohon se Kadastra është një sektor që krijoi kosto politike dhe elektorale në Fier. E për rrjedhojë, politika nuk ka pse i rri larg institucioneve. Sipas tij, larg institucioneve duhet të qëndrojnë korrupsioni, shpërdorimi i detyrës e ndër të tjera edhe niveli i ulet i shërbimit. Petro Koçi sqaron se këto s’kanë nevojë për SPAK, por për ndërhyrje dhe masa administrative.
Petro Koçi është një ndër deputetët e PS-së, i cili ka akuzuar institucionet në Fier, duke përfshirë edhe Kadastrën që kanë ndikuar me performancën e dobët në pakënaqësinë e votuesve, dhe kjo sipas tij, u duk edhe në votat në zgjedhjet e 25 prillit, ku PS-ja nuk mori atë çfarë synonte.
Ai e lidhi këtë edhe me faktin se ka pasur edhe praktika korruptive të këtyre zyrtarëve lokalë. Këtyre akuzave iu kundërpërgjigj drejtori i Përgjithshëm i Kadastrës, që kërkoi që politika t’i qëndrojë larg këtij institucioni.
Statusi
“Me lutjen per mediat qe te mos perkthejne:
Politika, ne emer te qytetareve e ka per detyre te reflektoje e te kerkoje performance sipas ligjit ne cdo institucion.
Kadastra, si e kam thene edhe ne analizen paraprake te zgjedhjeve eshte nje sektor qe krijoi kosto politike dhe elektorale ne Fier.
Pra politika nuk ka pse i rri larg institucioneve.
Larg institucioneve duhet te qendrojne korrupsioni, shperdorimi i detyres, tallja me njerezit, kapadailleku dhe niveli i ulet i sherbimit.
Keto skane nevoje automatikisht per SPAK. Ka nevoje ne rradhe te pare per nderhyrje dhe masa administrative.
Por ka raste qe dikush duhet cuar edhe ne SPAK”, shkruan Petro Koçi.
