Një 30-vjeçare është shpallur në kërkim nga policia, pasi gjatë natës është futur me forcë në banesën e ish-vjehrrës, dhe e ka goditur atë me sende të forta. Shtetasja me inicialet K.M., është shpallur në kërkim nga policia, pasi ka bërë për spital ish-vjehrrën. Kjo e fundit është dërguar në spital, dhe ndodhet nën kujdesin e mjekëve. Materialet i kaluan Prokurorisë së Rrethit Gjyqësor Durrës, për veprime të mëtejshme.
“Specialistët për Hetimin e Krimeve në Komisariatin e Policisë Durrës, bënë shpalljen në kërkim të shtetases K. M., 30 vjeçe, banuese në Armathë, Durrës, pasi në kundërshtim me vendimin e Gjykatës është futur me forcë në banesën e ish-vjehrrës së saj dhe e ka goditur atë me sende të forta, e cila ndodhet nën kujdesin e mjekëve jashtë rrezikut për jetën”.
