E mërkurë, 4 Gusht, 2021
35.5 C
Tirana

Nurellari: PD-ja i ka mundësitë që të fitojë, ja çfarë duhet të bëjë

Analisti i njohur, Adri Nurellari deklaroi se Partia Demokratike i ka mundësitë për të fituar zgjedhjet parlamentare, por që ta arrijë këtë, duhet të kalojë në disa faza. Deklarata e Nurellarit, u bë ditën e sotme në rubrikën ”Opinion” në News24.

Sipas Nurellarit, forca më e madhe opozitare  duhet të hapet si parti, të rekrutojë akademikë, apo persona që bëjnë pjesë në shoqërinë civile, në mënyrë që të fitojë nesimin e shqiptarëve, dhe më pas votën e tyre.

Ndër të tjera, Nurellari u shpreh se është e vështirë të mundet kryeministri Edi Rama, nëse Partia Demkratike nuk e fillon ndryshimin nga vetvetja.

Adri Nurellari: ”Shpresoja të kishte ndryshime rrënjësore dhe një reflektim më kurajoz, ndryshime radikale të brendshme. Mendoj se PD që të fitojë, dhe do doja që të fitonte, për të penguar kalbjen e mëtejshme të shtetit shqiptar, por PD duhet të bëjë diferencën nga PS. Do doja të shikoja një parti që të merrte hapa për t’u bërë më e hapur, më demokratike dhe me më shumë kurajo për t’u ripërtërirë. Por, deri më tani e shoh të vështirë që kjo parti të bëjë një reformim të mirëfilltë. PD ka forcë për të ndryshuar, sepse vetëm kështu mund ta ndryshojë Shqipërinë. PD mund të fitojë besimin e shqiptarëve. Së pari, nuk mendoj se analizën duhet ta bëjnë njerëz brenda partitë. Duhet bërë nga një audit apo konsulentë të jashtëm, që nuk janë palë të përfshira. Së dyti, është e kotë t’iu kërkosh përgjegjësi drejtuesve në terren, kur përgjegjësinë se ka mbajtur akoma kryetari. Kjo është e pandershme. Është e kotë të kërkosh përgjegjësi poshtë, kur rezultati është varur nga vendimet që janë marrë lart. Partia duhet ripërtërirë, duhet rifreskuar, por e shoh të vështirë. Mendoj se ka një mënyrë se si PD fiton zgjedhjet, pasi e ka treguar edhe në vitin 1992, kur nuk ja merrte mendja njeriu. Atëherë fitoi, sepse u hap, kishte ide të qarta, rekrutoi të gjitha figurat nga akademia, shoqëria civile, e fusha të tjera. Edhe në 2005 fitoi, sepse bëri të njëjtën gjë. Por nuk e shoh një gjë të ndodhë tani, shoh një mbyllje të mëtejshme të PD, një lloj ngurtësimi dhe futje në zhguall. Këtë e shoh me keqardhje, por është e vështirë të mundet Rama, kur nuk ofrohet nga alternativë e mundshme.”

- Reklama -

Më shumë nga kategoria




Të fundit

VIDEO/Rama i shpalli ‘luf*ë të hapur’, Peleshi shfaqet me Dritan Lelin në Vlorë

Situata me zjarret është përkeqësuar gjatë ditëve të fundit. Flakët kanë mbërritur edhe në zonat e banuara, duke ndezur sinjalin SOS në Gjirokastër, Dukat,...

Verbëria e rutinës së dorëzimit të përditshëm

Nga: Agim Baçi Shpesh njerëzit tregohen të verbër, ose bëjnë sikur!”, tha shkrimtari portugez Jose Saramango në ceremoninë e marrjes së çmimit “Nobel” në vitin 1998, duke...

Humbi jetën mes flakëve/ Shoku i viktimës: Nuk kishim zjarrfikëse

Detaje të reja të rënda kanë dalë në dritë lidhur me ngjarjen e rëndë ndodhur dje në fshatin “Asim Zeneli” në Gjirokastër, ku mbeti...

E vr*u për pronën/ “I trembem hakmarrjes”, vëllai i vras*sit kërkon mëshirë

Pak ditë më parë, një sherr mes kushërinjve për pronën në Lushnje përfundoi me një të vrarë. Autori i krimit, Kastriot Hasalla pritet të...

‘Cënoi besimin e publikut’, KPA shkarkon prokurorin e Krimeve të Rënda

Kolegji i Posaçëm i Apelimit (KPA), shkarkoi nga detyra prokurorin e Krimeve të Rënda Besim Hajdarmataj. Në vendim thuhet se Hajdarmataj ka cënuar besimin...