Pavarësisht se presidenti francez Emmanuel Macron e përmendi çështjen e azilkërkuesve shqiptarë “pengesë” për hapjen e negociatave, kryeministri Edi Rama e cilësoi një konsumim politik të brendshëm. Teksa shtoi se liberalizimi i vizave dhe negociatat nuk kanë lidhje fare me numrin e lartë të azilkërkuesve në Francë.
“Kjo nuk ka lidhje fare me liberalizimin e vizave dhe negociatat. Çështja e azilantëve lidhjet me regjimin e trajtimit të atyre që kërkojnë azil. Shqiptarët nuk kërkojnë azil politik por kërkojnë azil politik për çështje ekonomike.
Këtë problem e kishte Gjermania, ndryshoi legjislacionin dhe numri i azilkërkuesve ka rënë në numra drastik. Regjimi i azilit i Francës është ndryshe ndaj dhe numri është më i lartë”, deklaroi kryeministri.
I ftuar këtë mbrëmje në emisionin “Open”, Rama u përfshi në debat edhe me gazetarin Andi Bushati, të cilin e quajti në një moment – të papunë.
Pjesë nga debati:
Rama: Kush është ky zëri që më interferon. Unë jam i qetë por edhe pasionant. Unë jam këtu për t’u përgjigjur pyetjeve.
Ajo që sot është evidente është që Presidenti i Këshillit Evropian jo vetëm që duan t’i thonë po Shqipërisë dhe Maqedonisë së Veriut, ndërkohë që në mikrobotën shqiptare vazhdohet me propagandën bajate se kjo lidhet me qeverinë. Po të mos i kishim bërë detyrat nuk do të kishim marrë PO-në e Gjermanisë.
Eni Vasili: Po me 9 kushte.
Rama: Qetësohu! Për çfarë u votua në Bundestagun gjerman kur kjo nuk ishte po. Janë 999 kushte që duhen përmbushur deri në anëtarësim në BE dhe përsëri varet nga dinamikat e brendshme. Varet nga politika dhe jo nga teknologjia e integrimit. Komisioni Evropian është struktura që bën vlerësimin teknik. Kur çështja shkon në nivelin politik nuk është thjesht lexim i raportit të komisionit. Franca ka interesat e veta.
Eni Vasili: Kur Shqipëria do të plotësojë 9 kushtet?
Rama: Së pari nuk janë nëntë. I keni lexuar gabim. Çelja e negociatave fillon kur palët ulen në një tryezë ku duhet të kemi kryer dy punë. Regjia është në rregull po ju interferoni duke ndërhyrë. Qetësohu!
Bushati: E bëri si Ertv-ja.
Vasili: Zt.Bushati këmbëngul të bëjë një pyetje.
Rama: Ata të papunët këtë punë kanë.
Bushati: Më mirë me të papunët se me drogaxhinj!
Rama: E para është reforma zgjedhore. Plotësimi i Gjykatës Kushtetuese dhe SPAK-ut besoj do bëhet brenda vitit. Këto nuk janë se i duhen Holandës apo Gjermanisë por se na duhen ne.
