Kryetari i Grupit Parlamentar të Partisë Socialiste, Taulant Balla i cili ndodhet në Berlin me kryeministrin Edi Rama, ka reaguar pas takimit me kancelaren gjermane, Angela Merkel.
Ai njofton me anë të një statusi në Facebook se kancelarja Merkel rikonfirmoi qartë pozicionin e Gjermanisë.
Statusi
Kancelarja Merkel rikonfirmoi qartë pozicionin e Gjermanisë: “Mbi të gjitha, ne duam të arrijmë një marrëveshje në Këshillin Europian të ardhshëm në mars, për të filluar bisedimet për anëtarësim me Shqipërinë dhe gjithashtu me Maqedoninë e Veriut …. Të dy vendet kanë arritur shumë”.
Shqipëria ka tek Kancelarja Merkel një simbol të besimit tonë tek Europa, duke e shndërruar po ashtu Kancelaren në një simbol simpatisë së popullit shqiptar për popullin gjerman. Mirënjohje Kancelares dhe Bundestagut gjerman për vlerësimin dhe për mbështetjen e fortë në rrugën e Shqipërisë sonë drejt anëtarësimit në BE.
