Presidenti Ilir Meta është shprehur se nuk ka pasur asnjë informacion zyrtar për pasojat e tërmetit të 26 nëntorit.
I ftuar në “Syri Tv”, Meta u shpreh se fillimisht kishte menduar se nuk kishte pasur pasoja të mëdha. Ai shtoi se e kishte kuptuar që situata ishte serioze në momentin kur u shënua viktima e parë në Kurbin.
“Më pas kam shkuar në Spitalin e Traumës dhe më pas në Thumanë, ku kam takuar ministren e Mbrojtjes dhe Shefin e Shtabit. Në atë moment kam kontaktuar me zt. Haradinaj”, tha më tej kreu i shtetit.
Pjesë nga intervista:
“Unë kam qenë në shtëpi kur ka ndodhur tërmeti. Fillimisht kam menduar se nuk ishte tërmeti i këtyre pasojave. Për fat të keq nuk i kam pasur një informacion zyrtar apo shtetëror. Praktikisht ishim në gjendje lufte sepse je në luftë me një fatkeqësi. Nuk do të ishte serioze të them se burimet se nga i kam marrë informacionet”.
Gazetari: 4 minuta më vonë kryeministri Rama ka komunikuar me kryetarët e bashkive që kemi të bëjmë me një situatë të rëndë. Të bëhen gati.
“Unë nuk kam pasur informacion zyrtar. Sapo kam marrë informacionin se në Durrës kemi disa persona që janë nën rrënoja disa persona, kemi njoftuar përmes punonjësve të Gardës Policinë e Durrësit për të dhënë ndihmën. Sapo kam marrë vesh që kemi pasur një viktimë në Kurbin kam kuptuar se kemi të bëjmë me një situatë serioze. Më pas kam shkuar në Spitalin e Traumës dhe më pas në Thumanë, ku kam takuar ministren e Mbrojtjes dhe Shefin e Shtabit. Në atë moment kam kontaktuar me zt. Haradinaj”
Gazetari: Të gjitha pallatet në Durrës që po shemben janë beton i marrë nga kompania e ish-kryetarit të bashkisë.
“Për momentin nuk mund të them asgjë më shumë. I kam bërë thirrje dhe i kam ofruar mbështetje Prokurorisë për të hetuar personat përgjegjës”.
