Prokuroria Speciale për krime të luftës në Kosovë, me seli në Hagë ka ftuar për intervistim kryetarin e Komunës së Drenasit, Ramiz Lladrovci.
Lajmin e ka bërë të ditur vetë Lladrovci, përmes një postimi në Facebook. Ai njofton se data e dhënies së dëshmisë është më 19 dhjetor, 2019.
Postimi i plotë:
Valës së ftesave, nga Dhomat e specializuara, iu bashkova edhe unë, në cilësi të dëshmitarit. Nuk kam informata as dijeni më shumë se sa shkruan në ftesë. Data e dhënies së dëshmisë është më 19 dhjetor 2019.
Kurrë në jetë, as kam pasur hamendje as kam dilemë për drejtësinë e luftës tonë çlirimtare, rrugën e ndjekur deri në çlirim dhe për pastërtinë e saj shembullore.
Përjetësisht krenar me Ushtrinë Çlirimtare të Kosovës!
