Kryeministri Edi Rama, gjatë një konference për shtyp mbajtur ditën e djeshme, u pyet nga gazetarët për deklaratën e ministrit të Jashtëm të Greqisë, Nikos Dendias, i cili tha se ai vjen nga i njëjti fshat si nëna e tij, Anita.
Media greke ‘Protothema’, ka shkruar lidhur me përgjigjen që Rama dha për pyetjen e drejtuar, e ku theksoi se në gjakun e tij nuk kishte asnjë qelizë greke.
Ndërsa nënvizoi se nuk kishte asnjë lidhje me Greqinë, Rama u shpreh ndër të tjera i prerë me qëndrimin e tij për ortodoksët shqiptarë, ku shtoi se minoriteti grek në vendin tonë nuk është një terren për kërcënime. Po ashtu, ai përçoi edhe një mesazh të qartë, teksa tha se ortodoksët shqiptarë janë shqiptarë dhe grekët ortodoksë janë grekë.
“E para e punës, kam në dejet e mia një miks dhe nuk do të isha aspak i mërzitur nëse do të kisha edhe një pjesë të gjakut grek, por nuk kam asnjë qelizë, se kam pasur këtë, ndërkohë që kam ca rrjedha të tjera, ashtu sikur kam edhe rrjedha të brendshme nga Shkodra, në Mirditë në Berat, Vuno në Vlorë. Ortodoksët shqiptarë janë shqiptarë dhe grekët ortodoksë janë grekë. Gjithmonë qëllimi ka qenë marrëdhënia më të mira të mundshme.
Kemi bërë diskutime, negociata që janë cështje të së shkuarës. Me qeverinë e re duam të kemi vazhdim të dialogut për cështjet, miqësi, mirëkuptim, respekt. Është me rëndësi të itensifikojnë edhe për të vendosur pikat mbi ‘i’ për disa aspekte lidhur me të drejtat e minoritit grek në Shqipëri. Minoriteti është i shikuar si pjesë integrale e padyshim e bashkëjetesës sonë dhe pasuri. Përsa i përket negociatave. Vendimmarrja e Tetorit nuk ka lidhje me Shqipërinë, por dinamikat e brendshme në BE, është politik, nuk ka lidhje me vlerësim teknik objektiv. Gjithcka mund të ndodhë në Tetor nuk përjashtoj asnjë version”, tha ai.
Përgjigjja e kryeministrit tërhoqi vëmendjen e shtetit fqinj, duke bërë që deklarata të publikohet me shpejtësi nga mediat vendase.
