Rudina Hajdari është përjashtuar apo jo nga Nisma Thurje? Në fakt dëshmi kontradiktore kanë ardhur në këtë drejtim për deputeten. Si fillim, një nga themeluesit e ‘Nismës Thurje’, Pano Soko, konfirmoi zërat e ndarjes së rrugëve me Hajdarin. Më tej pedagogu i ekonomisë, Rezart Prifti, njëherësh një nga përfaqësuesit e ‘Nisma Thurje’, tha se kjo nuk është e vërtetë.
Ndërsa ish-kreu i Aleancës Kuq e Zi, Kreshnik Spahiu, thotë se e kishte parashikuar largimin e Hajdarit.
“Më vjen shumë keq, që më doli parashikimi. Sot e larguan edhe nga “Partia e Re”. Nuk kaloi as 2 javë dhe u provua. Ndjej keqardhje që mikja ime s’më mirkuptoi.
I thashë Rudinës: “Do dalësh në pension 30 vjeç”.
Nuk e kritikova, por e paralajmërova! Shiko videon”, shkruan Spahiu në Facebook.
