Deputetja e opozitës, Rudina Hajdari, ka kërkuar fjalën për të replikuar me ministren Belinda Balluku. Por ajo nuk është lejuar që të flasë nga zv.parlamentarja Vasilika Hysi, e cila i ka rikujtuar edhe njëherë rregulloren.
Në kundërpërgjigje të saj, Balluku i kujtoi faktin se nuk do e përfshinte në një grup me deputetët e tjerë të opozitës, e madje duke i cilësuar me ironi si grupi i zëdhënësve të qametit.
PJESË NGA DEBATI:
Hajdari: Kam vetëm një përgjigje për zonjën Balluku
Vasilika Hysi: Të lutem… Nëse keni replikë…
Hajdari: Më përmendi emrin, nuk isha në sallë dhe tani..
Vasilika Hysi: Jo teknika, ndërpritjani zërin!
Pas fjalës së Hajdarit, në foltore shkoi vetë ministrja Balluku. “Mos kini frikë së nuk iu fus tek grupi i zëdhënësve të qametit. Ka kritere dhe iu nuk u plotësoni. Përmendët rrugë 20 milionë. Mos doni të përmend shifrat e rrugës së Kombit? Një kilometër ka kushtuar 13 milionë euro. Rruga e Kombit është shkelje. Ju jeni opozita dhe ne mirëpresim çdo lloj komenti. Nuk jemi të pagabueshëm, jemi mortale. Punojmë shumë, dhe kush punon shumë bën edhe gabime. Nuk jeni pjesë e atij grupi dhe unë nuk iu cilësoj kurrë”, tha ajo.
