Kryeministri Edi Rama deklaroi se duke filluar nga data 15 korrik, Aeroporti i Kukësit do të nisë fluturimet me Zvicrën dhe Turqinë. Po ashtu, ai ka bërë të ditur për qytetarët çmimet e fluturimeve në këtë aeroport.
Ndër të tjera, Rama u shpreh se ndërtimi i këtij aeroporti nuk ishte për arsye të fushatës elektorale, duke i kthyer përgjigje atyre që e kritikonin këtë investim.
Postimi i Ramës në rrjetin social, Facebook
Se ç’ishin ca miq që thoshin Aeroporti Ndërkombëtar i Kukësit ishte sa për fushatë, po unë s’bëj asgjë sa për fushatë dhe çfarë bëj e them e çfarë them e bëj, kështu që bujrum me Air Albanian në portën e hapur të qiellit të Kukësit.
Po nuk mbaron me kaq, lajme të tjera nga ky front së shpejti.
*** 1€ + taksat domethënë:
Kukës – Zyrih 12 EUR,
Zyrih – Kukës 28.66 EUR,
Kukës – Stamboll 12 EUR,
Stamboll – Kukës 23 EUR
