Moderatorja e njohur Arbana Osmani prej muajsh përflitet se është e lidhur me regjisorin Eduart Grishaj, mirëpo ata të dy ende nuk kanë konfirmuar asgjë publikisht.
Dedikimet romantike në rrjetet sociale nuk kanë munguar nga ana e dy personazheve të njohur, ndërkohë një foto e publikuar së fundmi nga “Lajmi.net” duket se ka vënë pikat mbi “i”.
Siç mund ta shihni edhe në fotot e mëposhtme ata janë kapur mat në rrugët e Tiranës, Arbana duke hipur në makinën e saj, ndërsa Grishaj në hyrjen e një pallati. Pas kësaj shtohen edhe më shumë aludimet për një lidhje të mundshme mes tyre.
Kujtojmë se pak muaj më parë moderatorja i dha fund martesës 16-vjeçare me Ardit Keron, me të cilin ka një djalë që quhet Jon.
