Situata nga përhapja e koronavirusit në Itali është përkeqësuar, teksa mes të prekurve nga ky virus kanë rezultuar edhe 4 fëmijë.
Sipas mediave italiane, deri më tani në vend janë shënuar 357 raste infektimi me koronavirus. Presidenti i rajonit të Lombardisë, Attilio Fontana ka konfirmuar se nga ky virus është prekur edhe një vajzë 4-vjeçare nga Castiglione d’Adda.
Ndërsa në total janë regjistruar 4 të mitur të prekur nga koronavirusi, të cilët janë shtruar në spitalin e San Matteo në Pasvia dhe në spitalin e Bergamos. Në Itali koronavirusi ka marrë 11 jetë njerëzish, nga të cilët 9 janë shënuar në Lombardi dhe 2 në Veneto.
