Hiro Onoda ishte ndër ushtarët e fundit japonezë, që u dorëzua para aleatëve. Ai jetoi vetëm për 29 vite me rradhë në një xhungël, në një nga ishujt Lubang në Filipine. Onoda ishte tërësisht i izoluar nga bota, dhe nuk e dinte se Lufta e Dytë Botërore, kishte thuajse 3 dekada që kishte përfunduar. Në muajt e fundit të luftës, Hiro Onoda, asokohe me gradën oficer, ishte pjesë e një grupi ushtarësh japonezë, që ranë në kurthin e forcave amerikane, duke mos mundur të vazhdonin tërheqjen drejt veriut. Ai së bashku me 4 ushtarë të tjerë, refuzuan të dorëzoheshin duke u strehuar në xhungël.
Njëri prej tyre u dorëzua në vitin 1950, ndërsa 2 të tjerët vdiqën, njëri më 1972 në përleshje me trupat filipinase. Grupi i ushtarëve kishte urdhër nga komanda për të mos u dorëzuar, një urdhri që Onoda iu bind për 29 vjet me radhë. Ai do t’i bashkohej pjesës tjetër të botës, vetëm në vitin 1974, pasi u bind nga ish-eprori i tij se lufta kishte përfunduar. Pas rikthimit në Japoni, ai u prit si hero.
“U emërova oficer dhe mora një urdhër. Nëse nuk do ta zbatoja atë urdhër, do të më vinte turp nga vetja”, u shpreh ai. Gjatë 3 dekadave në xhungël, Onoda i mbijetoi disa operacioneve ushtarake nga ushtria filipinase, dhe më vonë përplasjeve me banorët vendas. Autoritetet filipinase e falën, por jo banorët e ishullit, ku 30 persona kishin gjetur vdekjen nga shpata apo kurthet e ngritura prej tij.
