Partia Demokratike ka publikuar në Facebook një video të kryeministrit Rama, kur deklaronte në vitin 2013 se Shqipëria nuk do të importonte më plehra nga jashtë.
Ky premtim i kreut të qeverisë u bë në kohën kur Shqipëria pritej të importonte armë kimike për çmontimin e tyre. PD e akuzon Ramën se nuk e ka mbajtur këtë premtim, duke u bazuar në ngjarjen e dy ditëve më parë, ku në Vlorë u kap trageti me mbetje lëndësh të rrezikshme që vinin nga Italia.
Në lidhje me këtë ngjarje u arrestuan 6 persona. Por mediat italiane thanë se pikërisht kjo firmë kishte kryer dhe të paktën 15 importime të tjera nga Italia. PD akuzon kryeministrin se ka pajisur me licenca miqtë e tij për këtë biznes kriminal.
Postimi i plotë:
Një tjetër mashtrim i provuar i Edi Ramës!
Shqiptarët u mashtruan publikisht se nuk do të lejoheshin plerat dhe kimikatet e rrezikshme nga jashtë, ndërkohë që Edi Rama i jepte licencë miqëve të tij për këtë biznes kriminal. Edi Rama ka dështuar!
