Presidenti i Malit të Zi, Milo Djukanovic ka sqaruar se nisma e ‘Shengenit Ballkanik’ nuk përbën zëvendësimin e Bashkimit Evropian.
Gjatë fjalës së tij në samit, Djukanovic u shpreh se vendet e pranishme në samit kanë 7 vite me BE-në dhe nuk do e zëvendësojnë tani. Ai shtoi se duhet nxitur dialogu dhe se çdo iniciativë është një mundësi për të bërë progres.
“Unë mendoj që është shumë e qartë. Nuk mendoj që pjesëmarrja e të gjithë në këtë dialog në vetëve përmban idenë për të zëvendësuar Bashkimin Evropian. Ne kemi negociuar për 7 vjet me BE dhe nuk do të kthejmë tani. Jemi kundër çdo ideje për të ndryshuar rregullat e lojës dhe janë vendosur në 2003 në Selanik.
Duhet të nxisim dialogun e çdo teme. Përfshijmë të gjithë që e gjejnë me interes këtë dialog. Është shumë e rëndësishme që aktivitetet të jenë në harmoni me të tjerat. Do të sjellë përmirësim. Kemi folur për lirit e ndryshme të kësaj iniciative tani është koha ta zbatojmë. Ne besojmë se kjo do të sjellë zhvillim për ne. Çdo iniciativë duhet të shohim një mundësi për të bërë progres”, tha ai.
