Reperi Noizy është lënë i lirë nga autoritetet policore të Kosovës, pas arrestimit mbrëmjen e së mërkurës. Mediat kosovare raportojnë se Noizy ka paguar garancinë pasurore dhe është lënë i lirë.
Noizy është liruar sot nga qendra e paraburgimit në Prishtinë, pasi ka paguar gjobën 2 mijë euro. Ai ishte arrestuar në pikën kufitare në Vermicë, mbrëmjen e kaluar, pasi ndaj tij kishte pasur një urdhër-arresti.
“Shoqërohet një person me urdhëresë të gjykatës. Mbrëmë në pikën kufitare, në Vermicë nga policia është ndaluar një person, i cili është shoqëruar në stacionin policor Qendra në Prishtinë.
Ndaj tij ka qenë aktive një urdhëresë të gjykatës. Zyrtarët policor në koordinim me institucionet përkatëse, po kryejnë veprimet e nevojshme procedurale”, thuhej më herët nga Policia e Kosovës.
