Shqipëria do të presë Turqinë në ndeshjen e parë të eliminatoreve të Europianit 2020 në stadiumin “Loro Boriçi” në Shkodër. Kuqezinjtë do të kërkojnë me çdo kusht një rezultat pozitiv, për të shpresuar që historia e Euro 2016 të përsëritet. Në prag të kësaj sfide, e cila luhet të premten në mbrëmje janë marrë edhe masat për të ruajtur sigurinë dhe qetësinë në këtë aktivitet.
“BBS Security” ka publikuar një listë rregullash, që tifozët shqiptarë duhet t’i përmbahen në Shkodër, që gjithçka të shkojë në rendin e duhur. Gjithashtu sportdashësit lajmërohen të jenë para orës 18:00 në stadium.
Mjetet që nuk duhen marrë:
- Banderola të pa miratuara nga Federata.
- Sende të forta dhe shishet e qelqit.
- Materiale piroteknike, si shashka, kapsolla, flakadanë etj.
- Çadra dhe çakmakë.
- Lazër.
- Vuvuzela, bori apo bilbila.
- Kamera të ndryshme dore apo aparate që mund të filmojnë ndeshjen.
- Shkopinjtë e drurit apo hekurit për flamujt.
Në mënyrë që të shmangim radhët e gjata përpara biletarisë, ju bëjmë thirrje të pajiseni sa më parë me biletë dhe të paraqiteni më herët ditën e ndeshjes për të shmangur radhët e gjata dhe pritjet në dyert e stadiumit. Dyert do të hapen në orën 18:00! Faleminderit!
