Ndërsa bota u pushtua nga pandemia Covid-19, “koronavirusi”, “vaksina”, “maska” dhe “papunësia” u shfaqën si termat më popullorë për këtë vit.
Dhe në ndihmë të punës sonë dhe jetës shoqërore, aplikacioni i bisedës video Zoom, mori gjithashtu një interes të madh kërkimi sidomos gjatë kohës që e gjitha bota ishte në karantinë dhe pasi doli nga karantina.
Megjithatë, bota nuk ishte e interesuar vetëm për lajmet e lidhura me Covid-19.
Zgjedhjet Presidenciale të nëntorit të SHBA morën shumë vëmendje, me kandidatët Joe Biden dhe Donald Trump, ku që të dy kryesojnë në listat e Google.
Vdekja tragjike e legjendës së basketbollit Kobe Bryant, në një përplasje helikopteri në janar, gjithashtu tërhoqi vëmendjen e botës.
Google lëshoi në muajin dhjetor një grafik që lidhet me tendencat e kërkimit, duke ofruar një pasqyrë të asaj që bota donte të dinte gjatë 12 muajve që kaluan.
Roshaan, përfaqësues i Google tha se ai përqendroi grafikun e tij në 10 termat kryesorë të kërkimit, si dhe termat kryesorë për ngjarjet e lajmeve dhe njerëzit.
“Doja që ky vizualizim jo vetëm të pasqyrojë termat kryesorë, por gjithashtu të përfaqësojë vitin 2020”, tha ai për BoredPanda.
Nga të gjithë termat e kërkimit të paraqitur në grafikun e tij, “vdekja” dhe “TikTok” ishin më të klikuarat në Google gjatë gjithë vitit.
Burimi i lajmit: https://www.thesun.co.uk/tech/13556493/tiktok-death-world-search-terms-2020-google/
Përshtatur nga TIRANA TODAY
