Ish-drejtuesi i Policisë së Shtetit, Ilir Gjoçi, ka komentuar atentatin e ndodhur mbrëmjen e djeshme ndaj Preng Gjinit.
I ftuar në emisionin “Real Story”, Gjoçi shprehet i bindur se përderisa eksplozivi kishte prej 1 jave në automjet, autori ka qenë duke e vëzhguar targetin deri në momentin e shpërthimit. Sipas tij, shpërthimi nuk është bërë me telefon.
“Impakti dhe terrori që krijon në komunitet është goxha i madh. Është zonë e frekuentuar. Orari është i tillë që ka shumë lëvizje, fatmirësisht që kalimtarët dhe personi që u plagos janë mirë. Autorët e kanë zgjedhur një vend të tillë për të çuar mesazh tek grupi rival. Autorët e këtyre ngjarjeve, plagosjen e të tjerëve e cilësojnë si dëme anësore.
U tha që një javë më parë ka lëvizur automjeti. Makina ka shkuar në servis, është ngritur, vendosur, sofistikuar. Nuk është një minë apo bombë momentale, e vendosur 30 minuta para. Është minë me telekomandë.
Do të thotë që autori e ka pasur në shënjestër, ka pasur pamje vizuale. Ka shijuar aktin. Se është dhe mënyra tjetër me telefon. Referuar ngjarjes, ngjarjet me shpërthim me eksploziv janë ngjarjet më të vështira për tu zbuluar.
Ndërkohë gazetarja Klodiana Lala rrëfen se nga dëshmitë e qytetarëve të zonës që jetojnë afër vendin ku ndodhi shpërthimi, fillimisht menduan se ishte tërmet për shkak të fuqisë së plasjes së tritolit. Ndërkohë shton se e vetmja arsye që jepet për shpëtimin e Preng Gjinit, është se nuk ishte tek vendi i pasagjerit por tek shoferi”, tha ai.
E ftuar në studio ishte edhe gazetarja Klodiana Lala, e cila tha se njerëzit menduan fillimisht se shpërthimi ishte një tërmet.
“Ishin rreth 500 gram tritol, nuk e di si është gjallë ende ai i plagosuri. Njerëzit menduan fillimisht se ishte tërmet. Është ajo shprehja që jetëgjati është jetëshkurtër.
Duke qenë se ka qenë tek timoni e ka mbrojtur. Nuk e di nëse është e mundur, por ky shpjegim është dhënë”, tha ajo.
