Gjatë takimit më krerët e Bashkive, teksa kryefjalë ishte pastrimi i territorit, kryeministri Rama është treguar i ashpër. Ai kërkoi nga prefektët që të mos kalojnë vendimet e Këshillave Bashkiakë dhe buxhetet, në rast se në to nuk janë parashikuar fonde të mjaftueshme për pastrimin.
Ndër të tjera, kreu i qeverisë Edi Rama tha se janë investuar 800 mln euro në rrjet, për trajtimin e sektorit të ujit. Por ky sektor është kthyer në një sektor punësimi, me njerëz që marrin rrogat kot.
“Për interesa personash që vijnë vërdallë nga një anë, janë bërë investimet më të mëdha. 800 mln euro ka investuar kjo qeveria, së bashku me donatorët. Por janë fonde të këtij populli dhe humbjet në rrjet e trajtimi i sektorit të ujit si një sektor punësimi nëpër ndërmarrje të mbingarkuara me njerëz që marrin rroga kot, dhe çdo vit që rritet borxhi Bashkive është bërë rutinë. Sot asnjë buxhet Bashkiak nuk do ta kalojë filtrin e prefektit nëse nuk kalon filtrin e Këshillit Bashkiak”, u shpreh Rama.
