Sot bëhet një vit nga tërmeti i 21 shtatorit, ku shqiptarët përjetuan mankthin më të madh. Kryeministri Edi Rama ka kujtuar këtë ditë, duke publikuar edhe një video të rindërtimeve pas dëmeve të këtij tërmeti.
“Sot 1 vit nga tërmeti i 21 shtatorit. NE THEMI ATË QË BËJMË DHE BËJMË ATË QË THEMI!” ka shkruar bashkëngjitur videos në fjalë.
Më 21 shtator 2019, zona detare në perëndim të Durrësit gjeneroi një tërmet me magnitudë 5.6 shkalla Rihter, i cili u ndje fort në një territor të gjerë të vendit tonë.
Durrësi e Tirana, si dhe zona rurale midis tyre, u tronditën shumë fort dhe popullsia e tmerruar doli jashtë në rrugë pas pasgoditjes të parë me magnitudë 5.1 shkalla Rihter, që ndodhi 11 min pas goditjes kryesore.
Lëkundjet e tërmetit u ndien edhe larg Tiranës, si në Gjirokastër, Fier, Shkodër e Dibër. Si pasojë e lëkundjeve sizmike u lënduan 105 persona dhe u shënuan shumë dëme materiale. Tërmeti u shoqërua me shumë pasgoditje me epiqendra në det.
https://www.facebook.com/edirama.al/posts/10158167930286523
