Një variant i ri i Covid-19 u identifikua në një shkollë në Finistère, Francë. 24 persona, përfshirë 18 nxënës, u infektuan me mutacionin e ri. Mediat franceze raportojnë se situata është nën kontroll.
Një variant i ri i koronavirusit u zbulua në tetor në një shkollë në Bannalec, në Finistère. Ndërsa vala e pestë po afrohet në Francë, lajmet e këqija nga Brittany kanë mbërritur në tryezën e autoriteteve shëndetësore. Sipas informacioneve ekskluzive nga “Le Télégramme”, një variant i ri i koronavirusit u zbulua një muaj më parë në qytetin Bannalec, në Finistère.
24 persona, 18 nxënës dhe gjashtë të rritur në kontakt me ta, janë prekur nga ky mutacion i ri që nuk ngjan me asnjë tjetër. Një variant aq i larguar nga ato në qarkullim (Alpha, Beta, Delta…) saqë u desh shumë kohë për ta identifikuar.
24 të infektuar, përfshirë 18 nxënës
Faktet datojnë që nga 15 tetori, kur u identifikua një grup me Covid-19 në shkollën fillore publike Mona Ozouf në Bannalec. 18 nxënës rezultuan pozitivë. Për të parandaluar përhapjen e virusit gjatë pushimeve shkollore, bashkia kërkon nga shoqatat të ndërpresin aktivitetet.
Burimi i lajmit: Le Telegramme. Përshtatur nga Tirana Today
