Turqia shtrihet në një zonë me aktivitet të lartë sizmik. Pas tërmetit 6.6 ballësh në 30 tetor, një tjetër lëkundje e fortë është ndjerë në Turqi.
Sipas mediave turke, një tërmet me magnitudë 4.7 ballë i shkallës rihter ka goditur pak më parë zonën e Malatyas.
Sipas raportimeve nga autoritetet turke, tërmeti ka qenë me një thellësi 6.94 kilometra, ndërsa lëkundjet kanë bërë që njerëzit të dalin të tronditur në rrugë. Fatmirësisht nuk ka raportime për të lënduar, por as për dëme materiale. Këtë fakt e ka vërtetuar edhe kryetari i bashkisë Malatya, Selahattin Gürkan.
#Malatya‘mızın Pütürge İlçesinde meydana gelen 4.7 şiddetindeki depremden etkilenen tüm hemşehrilerime geçmiş olsun dileklerimi iletiyorum.
Rabbim beterinden korusun..#Deprem https://t.co/2TvfHCQ2Y1
— Selahattin Gürkan (@selahattingrkn) November 27, 2020
Në muajin tetor, një tërmet me magnitudë 6.6 ballë tronditi brigjet e rajonit Seferihisar në qytetin Izmir të Turqisë. Autoriteti i Menaxhimit të Fatkeqësive dhe Emergjencave (AFAD) tha se tërmeti ndodhi në orën 14:51 sipas kohës lokale, në një thellësi prej 16.54 kilometra.
