Një tjetër person ka humbur jetën nga koronavirusi mbrëmjen e sotme në Kosovë.
Bëhet fjalë për xhaxhain e kryesueses së Kuvendit Komunal të Gjilanit, Musa Kurteshi, i cili ka ndërruar jetë në Spitalin e Përgjithshëm të Gjilanit.
Lajmin e ka bërë të ditur vetë kryesuesja e kësaj komune, Shpresa Kurteshi-Emini, në profilin e saj në Facebook.
“Aga Musë (Musa Kurteshi), nuk e përballoi luftën me COVID-19. Sot, ndërroi jetë! Pushoftë në paqe, ashtu siç ka qenë paqësor ne këtë jetë! Ngushëllime familjes, miqve e dashamirëve!”, shkruan ajo.
