Ministria e Shëndetësisë bën me dije se një mjek ka humbur jetën nga koronavirusi.
Mjeku Hysni Shkjau ka humbur jetën mëngjesin e sotëm, megjithë përpjekjet e jashtëzakonshme të stafit të infektivit për kolegun e tyre.
69-vjeçari me 40 vite eksperiencë, nuk e kishte ndërprerë punën dhe vijonte të shërbente si mjek familje në qendrën shëndetësore Qafë-Mali në Bashkinë Fushë-Arrëz të Pukës.
Ai po luftonte prej disa ditësh me koronavirusin në spitalin infektiv dhe gjendja e tij u rëndua si pasojë e vështirësisë në frymëmarrje dhe disa sëmundjeve bashkëshoqëruese.
Ministria e Shëndetësisë i shpreh ngushëllime familjarëve, miqve dhe kolegëve.
